Өвөрхангай аймгийн Гучин - Ус сумын уугуул Улсын начин Дашдондовын Батбаярын нэрэмжит АЦЦБЗалуу 256 бөхийн барилдаан бямба гаригт боллоо. Аймаг цэргийн цолтой болон залуу бөхчүүдийн намрын улирлын нээлтийн барилдаанд Архангай аймгийн Батцэнгэл сумын харъяат А.А Батсүхийн Зоригтбаатар түрүүллээ.
Булган аймгийн Орхон сумын харьяат "Хилчин" спорт хороо, Булган хан дэвжээний бөх, аймгийн арслан Булган-Эрдэнийн Түмэндэмбэрэл долоо даван үзүүрлэсэн бол Их шөвгийн дөрөвт Говь-Алтай аймгийн Дэлгэр сумын уугуул, аймгийн арслан Ч.Эрдэнэсайхан, Увс аймгийн Тэс сумын уугуул, аймгийн заан О.Түмэн нар шалгарчээ.
