Коронавирусын голомтод ажиллаж байгаа эмч нарын бодит нөхцөл байдлыг Boredpanda цахим хэвлэлээс харуулжээ. Тэнд эмч, сувилагчид коронавирусын голомт руу орохоосоо өмнө биеэ хэрхэн бэлдэж байгаа, хэрхэн ажиллаж байгааг ийнхүү олон нийтэд ил болгосон юм.
Ухань хотод ажиллаж байгаа эмч, сувилагчид ариун цэврийн өрөө орох цагаа хэмнэн том хүний живх өмсөн ажиллаж байна.
Өдөрт хэдэн мянгаараа нэмэгдэх өвтнүүдийн тоо эмнэлгийн хэвийн ажиллах горимыг алдагдуулж эмч, сувилагч нар амралтгүй ажиллаж байгаа аж.
Мөн байнгын хамгаалалтын хувцастай ажиллахад урт үс нь саад болж байгаа учраас тэд үсээ тайруулж байна.
Бусад хотуудын эмч мэргэжилтнүүд ч тус бүс нутагт ажиллаж байгаа ба тэд тасралтгүй ажиллахынхаа завсар шалан дээр цөөн цагаар дугхийж байна.
