Фантастик продакшны 10 жил болон Skytel группийн 20 жилийн ойд зориулан бүтээсэн “37-р ТОЧКА” олон ангит уран сайхны киноны нэг, хоёрдугаар бүлгийн нийт 20 анги дэлгэцнээ гарч үзэгчдийн хүртээл болсон билээ.
Тус уран бүтээл өнгөрсөн хагас жилийн турш Монголдоо төдийгүй дэлхий даяар тархан суурьшсан бүх Монголчуудыг байлдан дагуулж, хамгийн олон үзэгчтэй олон ангит кино болсон юм.
Тэгвэл “37-р ТОЧКА” киноны жүжигчид, уран бүтээлчид дөрөвдүгээр сарын 5-ны 11 цагаас үзэгч фэнүүдтэйгээ уулзах онлайн нээлтийг зохион байгуулах бөгөөд ёслолын арга хэмжээг NTV, Star телевиз болон SKYmedia, SkyGO промо суваг, Фантастик продакшны фэйсбүүк хуудсаар шууд дамжуулах юм байна.
Харин киноны төгсгөлийн анги буюу “37-р ТОЧКА” бүрэн хэмжээний нэг ангит уран сайхны кино дөрөвдүгээр сарын 6, 7, 8-нд зөвхөн SkyGO-р онцгой эрхтэйгээр хүрэх юм.
Нээлтийг эдгээр гурван өдөрт үзэхийг хүссэн үзэгчдэдээ тусгайлан зориулж урьдчилсан байдлаар онлайн тасалбар худалдаалж байгаа юм. Үзэгчид www.37tochka.mn веб хуудсаар тасалбараа захиалаад, захиалгын дижитал кодоо SkyGOбүртгэлээрээ нэвтрэн орж баталгаажуулснаар дэлхийн хаанаас ч үзэх боломжтой болно.
