Баянзүрх дүүргийн 16-р хорооны зургаан байрнаас халдвар илэрсэн тул тусгаарласан байна. Үүнтэй холбоотойгоор БЗД-ийн 16-р хорооны засаг дарга С.Ганчимэг " Дээд шатны байгууллагуудын шийдвэрээр "Нэг өрх-нэг шинжилгээ"-нд 90 000 өрхийг хамруулахаар болсон. Дүүрэгт нийтдээ 19 цэгт шинжилгээг авахаар ажиллаж байна. Гурван хоногийн өмнө 44 дүгээр сургууль дээр авсан 507 шинжилгээний бар код устаж, ахин авч байгаад иргэд гомдолтой байна. Иргэд шинжилгээ өгөхөөс татгалзаж байгаа. Хүйтэнд ахиж өгөхгүй, хариуцлагагүй байна гэх гомдлуудыг өгч байна.
Шинжилгээ өгч байгаа иргэдийн тоо бага байгаа учир засаг дарга, хэсгийн ахлагч нарт хариуцлага тооцно гэж БЗД-ээс мэдэгдэл өгсөн.
