Хүчтэй салхи шуурга: Өвөрхангай аймгийн Баянгол сумын Хаяа багийн “Домбоны говь” гэдэг газар долдугаар сарын 13-ны өдрийн 01:00 цагийн орчим 20-24 м/с хүчтэй түр зуурын шороон шуурга шуурсны улмаас 2 айлын 2 гэр нурсан тухай мэдээллийг мөн өдрийн 15:00 цагт Онцгой байдлын газар хүлээн авсан байна. Мэдээллийн дагуу тус сумын Засаг даргын Тамгын газрын даргаар ахлуулсан ажлын хэсэг энэ сарын 13-ны өдөр тухайн газарт очиж, нөхцөл байдалтай танилцсан. Шуурганд малчин Б, Б нарын 4 ханатай 2 гэр нурж, ашиглах боломжгүй эвдэрсэн.
