Дорнод аймгийн Булган сумын 3 дугаар багийн “Хашаат" гэдэг газар /аймгийн төвөөс баруун урд зүгт 40 км-т, сумын төвөөс зүүн урд зүгт 20 км-т/ Хээрийн түймэр гарсан тухай дуудлагыг 3 сарын 30-ны өдрийн 13:29 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид очиж, тус сумын мэргэжлийн ангийн алба хаагчидтай хамтран ажиллаж, мөн өдрийн 15:40 цагт унтрааж, тус сумын Баян-Уул багийн Засаг даргад хүлээлгэн өгсөн. Түймэрт урьдчилсан байдлаар 150 га талбай шатсан.
Мөн Сэлэнгэ аймгийн Ерөө сум Буурагчин багийн “Цагаан тохой” гэдэг газар /аймгийн төвөөс зүүн зүгт 130 км-т, сумын төвөөс зүүн зүгт 30 км-т/ Хээрийн түймэр гарсан тухай дуудлагыг 3 сарын 30-ны өдрийн 13:36 цагт хүлээн авсан. Ерөө сумын мэргэжлийн ангийн алба хаагчид “Б“ ХХК-ийн ажилтан, орон нутгийнхантай хамтран ажиллаж, мөн өдрийн 16:00 цагт унтраасан. Түймэрт тус сумын харьяат малчин О-ийн“Вангвард” загварын суудлын автомашин шатсан байна. Урьдчилсан байдлаар түймэрт 25 га талбай өртөж шатсан тухай мэдээллийг тус сумын Засаг даргын Тамгын газрын Байгаль орчны байцаагч аймгийн Онцгой байдлын газарт мэдээлсэн.