Монгол улсын Хөдөлмөрийн баатар, гавьяат тамирчин, олимпын мөнгөн медальт, дэлхийн аваргын хүрэл медальт, Даяар дуурьсагдах, далай даян дархан аварга Жигжидийн Мөнхбатын дурсгалд зориулан хань ижил, үр хүүхдүүд, ах дүүс, олон мянган шавь, сум орон нутгийн удирдлагуудын санаачилгаар бүтсэн цээж баримал өдгөө 100 жилийн ойгоо тэмдэглэж буй Төв аймгийн Эрдэнэсант суманд сүндэрлэлээ.
