Зохиолч Б.Шүүдэрцэцэгийн зохиол, Найруулагч С.Баасандоржийн бүтээл "Хотулун гүнж" МУСК-г Төрөлх-Алтай ТББ-ийн зүгээс Говь-Алтай аймгийн 100 жилийн баяр наадмын өдрүүдэд үнэ төлбөргүй үзэгч олонд хүргэхээр болжээ.
Зохиолч Б.Шүүдэрцэцэгийн “Хотол цагаан гүнж” романаас сэдэвлэсэн, тулаант, уран сэтгэмжийн төрлөөр бүтээсэн "Хотулун гүнж" киноны гүнжийн дүрд залуу жүжигчин М.Цэрэндолгор, харин Хайду хааны дүрд жүжигчин О.Гэрэлсүх, гүнжийн сэтгэлт залуу горлос овгийн Абатай баатарт жүжигчин Б.Баттогтох, Урус хунтайжид жүжигчин С.Тэмүүжин, Дува хунтайжид жүжигчин Г.Эзэнмөнх, Бүргэд баатарт Гавьяат жүжигчин Д.Төмөртогтох, Хасан сайдад Ё.Баярмагнай, Хотулуны ээж Дөрбэжин хатанд П.Мөнх-Од, Солон хатанд жүжигчин Б.Баярсанаа, Марал хатанд дуучин Ц.Энгүүн, Шибкан хатанд Б.Эрдэнэ-Очир, Номхон хунтайжид жүжигчин Д.Мөнхтөмөр, Зульфа шидтэнд жүжигчин Б.Сэтгэлтүвшин нар тогложээ.
