Зөрчлийн тухай хууль-ийн 5.2.4.1 дэх заалтаар олон нийтийн газар танхайрсан гэж үзэн 30 хоногийн баривчлах шийтгэл хүлээгээд буй Бурханы Хүү Баярбаатар давж заалдах шатны шүүхэд гомдол гаргасан бөгөөд уг хэргийн шүүх хурал өнөөдөр эхэллээ.
Тэрбээр машин дотроосоо лайв хийсний улмаас дээрх шийтгэлийг хүлээсэн гэх бөгөөд уг асуудалд Шинжлэх ухааны академийн Хэл шинжлэлийн хүрээлэн тайлбар гаргасан байна.
Шүүх хуралдаанд гурван өмгөөлөгч нэмэлтээр оролцож, хэргийн материалтай танилцах хүсэлт гаргасныг шүүх хүлээн авч, хурлыг хойшлууллаа.
