Өнөөдөр хаврын тэргүүн сарын шинийн 8-ны билэгт сайн өдөр тохиож байна. Шинийн 8-ны өдөр тамын хаалга хаалттай ганц өдөр бөгөөд Дарь Эх, Манал бурханы буулттай буюу бурхад замбутивд заларч байдаг гайхамшигтай өдөр юм.
Тиймээс энэ өдөр хийсэн аливаа нэгэн үйл, буян, нүгэл асар их арвижиж байдаг тул ямар үйл хийхээ та өөрөө сонгоорой.
Монголчууд хаврын эхэн сарын шинийн 15 хуртэл буян номд шамдаж, заслаа хийлгэхийг эрхэмлэдгээс шинийн 8, 15-ныг онцгойлон үздэг. Энэ өдөр үйлдсэн буян түм живаагаар үрждэг гэдэг билээ. Буян номд шамддаг Монгол түмэн минь энэ өдөр төр засгийнхаа тогтоол шийдвэрийг хүндэтгэж, олон нийтийн газар очилгүйгээр жилийнхээ засал номоо цахимаар хийлгээрэй. Та https://my.gandan.mn хэмээх хаягаар орж номоо захиалах бөгөөд таны захиалсан засал, номууд танд өгсөн цагийн хуваарийн дагуу Гандантэгчэнлин хийдийн дуган, дацанд уншигдаж байгаа юм байна.
