Намрын адаг өлзийт улаан нохой сарын найман цагаан хөхөгчин могой өдөр
Үс засуулвал: Жаргал ирнэ
Наран ургах, шингэх: 07.33-17.39
Барилдлага: Үл зохилдох
Шүтэн барилдлага: Өтлөх үхэхүй
Суудал: Шороо
Аргын тооллын 10 сарын 29, Бархасвадь гараг. Билгийн тооллын 13, Могойг хүлэгч одтой, хөхөгчин могой өдөр. Өдрийн наран 07 цаг 33 минутанд мандаж 17 цаг 39 минутанд жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй аливаа үйлд хянамгай хандаж биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, сэтгэлд сэвтэй газар очих, байшингийн суурь тавихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ.
