Өнөөдөр дэлхийн кино урлагийн салбар нэгэн үнэт төлөөлөгчөө алдлаа. Жеймс Бонд буюу 007 нууц ажилтны дүрийг бүтээж, Холливудын түүхнээ өөрийн нэрийг мөнхөлсөн домогт жүжигчин Шон Коннери 90 насандаа таалал төгсчээ. Сүүлийн үеийн залуус Шон Коннериг ид залуу үеийнх нь шилдэг дүрүүдээр мэддэггүй, ихэвчлэн карьерынхаа сүүл үед тоглосон “The Rock”, “The League of Extraordinary Gentlemen”, “Entrapment” зэрэг кинонуудаар мэддэг. Гэвч Шон Коннери нь алдарт Жеймс Бонд цувралын эхний таван анги, нийт 7 ангид Бондын дүрийг бүтээсэн байдаг. Тухайлбал 1962 оноос 1983 оны хооронд Жеймс Бондын бүх ангиудад тоглож, Холливудын хамгийн сайхан залуусын нэгээр нэрлэгддэг байв. Шотландын жүжигчин Шон Коннери нь 2006 онд кино жүжигчний карьераа өндөрлүүлж, нэг ёсондоо тэтгэвэртээ суусан гэж болно. Тэрбээр кино карьерынхаа туршид 1 Оскар, 2 BAFTA-гийн шагнал, Алтан Бөмбөрцөг шагналыг 3 удаа тус бүр хүртэж байжээ. Алдарт People сэтгүүлээс Шон Коннериг 1989 онд манай гарагийн хамгийн дур булаам залуугаар тодруулж байсан бөгөөд 1999 онд “Зууны хамгийн дур булаам эрэгтэй”-гээр шалгаруулж байлаа. Томас Шон Коннери нь 1930 оны 8 сарын 25-нд Шотландын Эдинбургт мэндэлж, дэлхийн кино урлагийн гялалзах од нь байж байгаад 2020 оны 10 сарын 31-ны өдөр 90 насандаа Багамын арлын Нассауд хорвоогийн жамаар таалал төгслөө.
