Токио 2020 зуны Паралимпын XVI их наадамд оролцож буй Монгол Улсын баг тамирчдын салхийг хагалж, манай жүдо, байт харвааны тамирчид өнөөдөр олимпын дэвжээнд Монгол улсынхаа нэрийг дуудуулан гарч ирнэ. Жюүдо бөхийн эрэгтэйчүүдийн 60, 66 килограммын жингийн барилдаан, байт харвааны чансаа тогтоох тэмцээнд манайхан оролцож эхлэнэ. Жюүдогийн дэвжээнд Сүхбаатарын Ядамдорж, Аажимын Мөнхбат гарч ирэх бол Пара байт харваанд тамирчин Намжилмаагийн Мөнхбаатар, Дэмбэрэлийн Сэлэнгээ нар оролцоход бэлэн болоод байна.
