"Осло-2021" насанд хүрэгчдийн ДАШТ-д оролцох АНУ-ын баг тамирчдыг сонгох сонгон шалгаруулах тэмцээн есдүгээр сарын 11-12-нд Невраска мужийн Линкольн хотод боллоо. Чөлөөт бөхийн эрэгтэйчүүдийн төрөлд "Лондон-2012" олимпын аварга, ДАШТ-ий 4 алт, 3 хүрэл медальт, алдарт бөх Жордан Барроуз найм дахь дэлхийн аваргадаа зодоглохоор болжээ. Тэрбээр анх удаа 79 кг-ын жинд барилдах бөгөөд сонгон шалгаруулах тэмцээний финалд Алекс Диренгерийг 10:5, 4:3-аар ялсан юм.
ДАШТ-д зодоглох АНУ-ын эрэгтэй шигшээ баг:
57 кг: Томас Гилман (олимпийн хүрэл, ДАШТ-ий мөнгөн медальт)
61 кг: Датон Фикс
65 кг: Яннис Диакомихалис
70 кг: Жеймс Грин (ДАШТ-ий мөнгө, хүрэл медальт)
74 кг: Кайл Дейк (олимпийн хүрэл медальт, дэлхийн хошой аварга)
79 кг: Жордан Барроуз (Олимпийн алт, ДАШТ-ий дөрвөн алт, гурван хүрэл медальт)
86 кг: Дэвид Тэйлор (олимп, дэлхийн аварга)
92 кг: Жейден Кокс (олимпийн хүрэл, ДАШТ-ий хошой алт, нэг хүрэл)
97 кг: Кайл Снайдер (олимпийн алт, мөнгө, ДАШТ-ий хошой алт, нэг мөнгө, хүрэл медальт)
125 кг: Ник Гваздовски (ДАШТ-ий хошой хүрэл медальт)
