Хуучин ЗХУ-ын гишүүн хэд хэдэн улс энэ жил Ялалтын баярыг өргөн дэлгэр тэмдэглэдэг байснаа цуцлах шийдвэр гаргасан. Дөрөвдүгээр сарын 13-нд Казахстан улс баярын парад зохион байгуулахгүй зөвхөн цэрэг-эх оронч үзлийн арга хэмжээ зохион байгуулахаар төлөвлөж байна гэж мэдэгдсэн. Аугаа эх орны дайны ахмад дайчдад мөн Бүгд Найрамдах Казахстан Улсын Зэвсэгт хүчинд хүндэтгэл үзүүлэх арга хэмжээг хийнэ” гэж Казахстаны Батлан хамгаалах яамнаас мэдээлсэн.
Дөрөвдүгээр сарын 27-нд Узбекистаны Батлан хамгаалах яам Ялалтын баярт зориулсан цэргийн парад зохион байгуулахгүй гэдгээ мэдэгдсэн. Тэд өнгөрсөн жил ч, өмнөх жил ч зохион байгуулаагүй билээ.
Киргиз улс тавдугаар сарын 9-нд цэргийн парад зохион байгуулахаас татгалзсан тухайгаа мэдэгдсэн. Тус улс уг өдөр Аугаа эх орны дайнд амь үрэгдэгсдийн дурсгалд зориулан "Бессмертный полк" арга хэмжээг зохион байгуулна гэж мэдээлсэн. Мөн Киргизийн Үндэсний аюулгүй байдлын улсын хороо тавдугаар сарын 9-ний өдрийг тэмдэглэх үеэр Z тэмдэг хэрэглэхгүй байхыг ард иргэддээ уриалсан.
Үүнээс өмнө Эстонын эрх баригчид тавдугаар сарын 9-нд ОХУ-ын цэргийн бэлгэдэл, ЗХУ-ын далбаа, Зөвлөлтийн цэргийн дүрэмт хувцас, Гэгээн Георгий туузыг ашигласан "өдөөн хатгалга гарахгүйн тулд" тус улсад олон нийтийн цугларалт хийхийг хориглосон юм.
Украинд болж буй дайсагналын улмаас Латви улс тавдугаар сарын 9-ний өдрийг тохиолдуулан бүх арга хэмжээгээ цуцалж, салют буудуулахыг хоригложээ.
Литвийн Вильнюс хотын захирагчийн алба "улс төрийн илрэл"-ээс урьдчилан сэргийлэхийн тулд Зөвлөлтийн цэргүүдийн дурсгалыг хүндэтгэх арга хэмжээ зохион байгуулах зөвшөөрөл олгоогүй байна.
Эх сурвалж: gazeta. ru
