Нийслэлийн Аялал жуулчлалын газар, “Скайрезорт” ХХК-тай хамтран “Улаанбаатар өвлийн наадам” арга хэмжээг 2023.02.11-12-ны өдрүүдэд “Скайрезорт” цанын баазад зохион байгуулах гэж байна.
Наадмын үеэр Шүхэр, Шувуулахуйн үзүүлбэр, Снөүбоардын үзүүлэх тоглолт, Нохой чарга, Цана, чарганы үйлчилгээ үзүүлнэ.
Мөн хүрэлцэн ирсэн иргэд, жуулчдад зориулан МУСТА, дуучин Ц. Нарантуяа, МУСТА, дуучин Б.Алтанжаргал, МУСТА, дуучин Г.Эрдэнэчимэг болон “Улаанбаатар театр”-ын Гоцлол дуучин, МУСТА О.Анхчимэг, МУСТА Ц.Гансүх нар ая дуугаа өргөх бол “The core” бүжгийн студийн бүжигчид уран бүтээлээ толилуулна. Энэ үеэр дуулах сонирхолтой хүүхэд, залуучуудад зориулсан “Open mic” арга хэмжээ зохион байгуулагдах юм.
Нийслэл хотын иргэн таныг Цэвэр агаарт амралт, чөлөөт цагаа зөв боловсон, дурсамж дүүрэн өнгөрүүлэхийг урьж байна.
