Онцгой байдлын ерөнхий газрын Урьдчилан сэргийлэх газраас дараах зөвлөмжийг хүргэж байна.
-Гэмтэлтэй цахилгаан хэрэгслийг ашиглахгүй байх
Бүрэн бүтэн байдал нь алдагдсан, шалбарсан, зарим хэсгээрээ халалт үүсэж хайлсан, залгуур унтраалга нь эвдэрсэн болон бусад гэмтэлтэй цахилгаан хэрэгслийг ашиглахгүй байх,
-Гэр орондоо бензин болон бусад шатах, тослох материал хадгалахгүй байх
Хялбар гал гаргах асаагуур, чүдэнзийг хүүхдийн гар хүрэхээргүй газарт нууж тавих,
-Гэр орондоо утаа мэдрэгч суурилуулж, гал унтраагуур байрлуулах
Утаа мэдрэгчийн хэвийн ажиллагаа болон гал унтраагуурын хадгалах хугацааг тогтмол шалгаж, гэр бүлийн гишүүдээ гал унтраагуурыг хэрхэн ашиглах талаар зааж сургах.
-Дуудлага өгөх, бусдад мэдэгдэх
Гал гарсан тохиолдолд 101 утсанд яаралтай дуудлага өгөх. Өөрөө дуудлага өгөх боломжгүй бол хөрш айлуудаасаа тусламж хүс, чанга дуугаар хашхирч бусдад мэдэгдэх,
-Галын машины замыг чөлөөлөх, мэдээллээр хангах
Галын машин ирэх замыг чөлөөлж, гал гарсан газарт очих замыг зааж өгөх. Галын голомт хаана байгааг тодорхой хэлж, гэр байшингийн дотор хүн үлдсэн эсэхийг яаралтай мэдэгдэх зэрэг арга хэмжээ авахыг Онцгой байдлын ерөнхий газраас анхааруулж байна.
