Жанжин Д.Сүхбаатарын талбайд болж буй “Улаанбаатарын Мөнгөн шөнө” баярын арга хэмжээнд хүүхэд хамгааллын баг ажиллаж байна. Хүүхдийг аливаа эрсдэлээс урьдчилан сэргийлэх хамгаалах үйлчилгээг хөдөлгөөнт, явуулын хэлбэрээр газар дээр нь шуурхай үзүүлж буй юм.
Олон нийтийн газар хүүхдээ аливаа эрсдэлээс хамгаалах, төөрөхөөс урьдчилан сэргийлэх талаар эцэг эх, асран хамгаалагч нарт сэрэмжлүүлэг, анхааруулга хүргэх
Хүүхэд хамгааллын хөдөлгөөнт үйлчилгээ буюу шар хантаазтай мэргэжилтнүүд эрсдэлд өртсөн, төөрсөн хүүхдийг илрүүлэх
Эцэг эхээсээ төөрсөн хүүхдийг СТӨ-ны 1 давхар 104 тоотод түр байршуулах, хамгааллын үйлчилгээ үзүүлэх, эцэг эхэд нь хүлээлгэж өгөх ажлыг шөнийн 02:00 цаг хүртэл зохион байгуулж байна. Нийслэл, Баянгол дүүрэг, Чингэлтэй дүүрэг, Сүхбаатар дүүргийн хүүхэд гэр бүлийн хөгжил хамгааллын хэлтсийн албан хаагчид ажиллаж үйлчилгээ үзүүлж байна.
Иргэд та бүхэн хүүхэд багачуудаа төөрөх, даарч хөрөх, ханиад томуу тусах зэрэг эрсдэлээс сэргийлэн анхаарал халамжаа сайжруулан шинэ оноо аз жаргалаар дүүрэн угтаарай
