Дундговь аймгийн Засаг даргын нэрэмжит өсвөрийн аймгийн аварга шалгаруулах шатрын тэмцээн энэ сарын 1, 2-ны өдрүүдэд Мандалговь хотноо болж байна.
Тэмцээнд 16 насны ангиллаар найман сумын 161 шатарчид оролцон, оюун ухаанаа уралдуулж буй юм. Нээлтийн ажиллагаанд аймгийн Засаг даргын Тамгын газрын Нийгмийн бодлогын хэлтсийн дарга Н.Эрдэнэ-Очир оролцож, тэмцээнд оролцож буй тамирчдад амжилт хүссэн юм. Энэ үеэрээ Аймгийн Засаг даргын 2024-2028 оны үйл ажиллагааны хөтөлбөр болон "Оюунлаг Дундговь" дэд хөтөлбөрт оюуны спортыг дэмжих заалтууд тусгагдсаныг онцлов.
