Хоёрдугаар сарын 1-нээс Нисэх, Багануур, Багахангай чиглэлээс бусад бүх чиглэлд нийтийн тээврээр 1000 төгрөгөөр зорчих зохицуулалт хэрэгжиж эхэлнэ. Үүнтэй холбогдуулан Нийтийн тээврийн бодлогын газраас мэдээлэл хийлээ.
Шинэ зохицуулалт:
-Өдөрт 1000 төгрөг төлөөд чиглэл харгалзахгүй, цагийн хязгааргүй өдөрт дөрөв зорчино.
-U-Money болон U-Money, арилжааны банкны хамтарсан карт уншуулж буй тохиолдолд дамжин суулт хүчинтэй
-Банкны картаар дамжин суух үйлчлэхгүй.
-Дамжин суухын тулд зорчигч нийтийн тээврээс буухдаа картаа уншуулах ёстой.
-Бэлэн мөнгөөр зорчиж байгаа тохиолдолд дамжин суулт үйлчлэхгүй бөгөөд суух бүрдээ 1000 төгрөг төлнө.
-Улаанбаатар смарт карт нь биет болон биет бус хэлбэрээр борлуулагдана.
-Биет бус картыг “UBcard” апплейкэшн ашиглаж QR код хэлбэрээр ашиглана.
-Биет картыг Улаанбаатар хотод суурилуулж буй 100 киоск машинаар борлуулна.
Киоск төхөөрөмжөөс авч болох үйлчилгээ:
• 3600 төгрөгөөр Ubcard худалдан авах, картаа цэнэглэхдээ Qpay, Social pay, банкны пос машиныг ашиглах,
• UBcard карт авахгүйгээр нэг удаагийн QR кодтой тасалбар худалдан авч, төлбөрийг Qpay, Social pay, банкны пос машинаар төлөх боломжтой
UBcard аппликейшний давуу тал, боломжууд:
• QR кодоор төлбөр төлөх,
• Зорчилт, цэнэглэлтийн түүхээ харах,
• Ашиглаагүй үлдэгдлээ шилжүүлэх,
• Ubcard картыг заавал үйлчилгээний цэгт очилгүйгээр дурын газраас өөрөө цэнэглэх,
• Нийтийн тээврийн үйлчилгээний чиглэл, зогсоол, цагийн хуваарийн талаар мэдээлэл авах,
• Тухайн автобусны зорчигчийн дүүргэлтийг харах,
• Замчлуулах,
• Нийтийн тээвэртэй холбоотой санал, хүсэлт, гомдол илгээх,
• Нийтийн тээврийн үйлчилгээний талаар шинэ мэдээллийг хүлээн авах боломжтой.
