БИЛГИЙН ТООЛЛЫН 18 2025.01.16 / ПҮРЭВ ГАРАГ
ӨВЛИЙН АДАГ УЛААГЧИН ҮХЭР САРЫН ДОЛООН УЛААН ХӨХӨГЧИН ТАХИА ӨДӨР
Үс засуулбал: Эд малын гарлагатай
Наран ургах, шингэх: 08:36-17:28
Барилдлага: Хүчин төгсөх
Шүтэн барилдлага: Төрөхүй
Суудал: Уул
Аргын тооллын нэгдүгээр сарын 16, Бархасбадь гараг. Билгийн тооллын 18, Их морь одтой, хөхөгчин тахиа өдөр. Өдрийн наран мандах, жаргах цаг нь 08:36-17:28. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хэншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
