Тэгвэл өнөөдөр хуралдсан Засгийн газрын хуралдаанаар гэр хорооллын айл өрхүүдэд угаар мэдрэгч дохиолол суурилуулах ажлыг шийдвэрлэлээ. 11-р сарын 1-нээс өмнө гэр хорооллын 220 мянган өрхөд угаар мэдрэгч дохиолол суурилуулахыг НЗД бөгөөд Улаанбаатар хотын захирагч С.Амарсайханд даалгасан байна. Чанартай, стандартын шаардлага хангасан боломжийн үнэтэй төхөөрөмжийг нэг удаа үнэ төлбөргүй суурилуулж өгөх юм.
Угаар мэдрэгч төхөөрөмжиийг айл өрхүүдэд суурилуулахад 6 тэрбум гаруй төгрөгийг Агаарын бохирдлыг бууруулах үндэсний хороо гаргах аж.
Ямартай ч гэр хорооллын иргэд сайжруулсан шахмал түлшээ цаашид ч хэрэглээндээ хэвээр хэрэглэх бөгөөд гол нь заавар зөвлөмжийн дагуу стандартын зууханд түлэх ёстойг мэргэжилтнүүд анхааруулж байна.
Гэр хорооллын айл өрхүүдэд угаар мэдрэгч төхөөрөмж суурилуулах ажил хийгдэж, сайжруулсан шахмал түлшээ хэрэглэснээр гамшгийн хэмжээнд хүрсэн хотын утаа бууруулах ганц дорвитой алхам гэж үзэж байгаа юм байна.
