Өнгөрсөн аравдугаар сарын 31-нд Улаанбаатараас- Сөүлийн чиглэлийн “KAL”-ийн нислэгээр зорчиж явахдаа онгоцны үйлчлэгч бүсгүйд бэлгийн дарамт учруулсан гэх хэрэгт нэр холбогдож, БНСУ-ын хууль хяналтын байгууллагад мэдүүлэг өгч,  шалгагдсан юм. Болсон явдлын талаар цагдаад мэдүүлэг өгөх үеэрээ “Тухайн үед согтуу байсан тул юу болсныг санахгүй байна” гэж хэлсэн байдаг.

Тэрээр өнөөдөр буюу /2019.11.09/ 15.45 цагт   “Korean air” авиа компанийн нислэгээр “Чингис хаан” олон улсын нисэх онгоцны буудалд газарджээ

Энэ хэрэгтэй холбоотойгоор БНСУ-ын талаас түүнд арав хоногийн хилийн хориг тавьсан юм. Гэхдээ нэгдүгээрт гадаадын иргэн, хоёрдугаарт өмнө нь БНСУ-д гэмт хэрэгт холбогдож байгаагүй зэргийг харгалзан үзээд, бүх нотлох баримт, мэдүүлгүүдийг шалган, хэргийг түргэн хугацаанд шийдвэрлэхээр болж, түүний холбогдсон хэргийг Нисэхийн аюулгүй байдлын тухай хуулийн хүрээнд авч үзэхээр болсон байна. Энэ нь эрүүгийн хүнд гэмт хэрэг биш учир торгууль төлүүлнэ. Өөрөөр хэлбэл, Үндсэн хуулийн Цэцийн дарга Д.Одбаяр торгуулиа төлөх юм бол хилийн хоригоо цуцлуулах боломжтой болоод байсан билээ. Тус улсад Нисэхийн аюулгүй байдлын тухай хуулийг зөрчсөн этгээд 10 хүртэлх сая воны торгууль төлөхөөр заасан байдаг аж. Харин манай улсад энэ талын хууль эрхзүйн орчин бүрдээгүйн улмаас охид, эмэгтэйчүүд ил болон далд хэлбэрийн бэлгийн дарамтад өртсөөр байна үргэлжилсээр байна.