Сүхбаатар дүүргийн III хороонд өчигдөр буюу аравдугаар сарын 3-ны өдөр 13 давхраас 73 настай эрэгтэй унаж, амь насаа алдсан харамсалтай хэрэг гарчээ.
Тодруулбал, тус хорооны 48 дугаар байрны өргөтгөлийн дөрөвдүгээр давхарт хүн унаж нас барсан дуудлагыг 12:37 цагт Онцгой байдлын албанд ирүүлсэн байна.
Дуудлагын дагуу Онцгой байдлын алба хаагчид 4.5 км замыг туулан 12:54 цагт очиход иргэн Ю 13 давхраас үсэрч, дөрвөн давхарт унаж нас барсан байдалтай олджээ. Албан хаагчид 35 минут ажиллаж цогцсыг буулган тус дүүргийн Цагдаагийн хэлтэст шилжүүлэн өгсөн байна.
Эх сурвалж: ОБЕГ
