Пицца Хат-ын хамт олны зүгээс үүсээд байгаа энэ нөхцөлтэй холбоотойгоор үйл ажиллагаагаа түр зогсоосон ч, ХӨСҮТ болон 10 гаруй эмнэлгийн 1110 ажилтан, албан хаагчиддаа халуун пиццагаа хүргэж, бага ч болов сэтгэлийн дэм өгөхөөр хэсэгхэн хугацаанд ажилласан байна.
Мөн албан ёсны пэйж хуудсаараа "Нийт иргэдийнхээ өмнөөс энэхүү гамшигт өвчнийг ялан дийлэхээр цаг наргүй ажиллаж буй та бүхэндээ баярлаж, талархсан сэтгэлээ дахин дахин илэрхийлье! Хамтдаа дархлаагаа дэмжин, эерэг байж энэ бүхнийг даван туулъя." гэжээ.
