Олон улсын олимпын хорооны тэргүүн Томас Бах ирэх 11-р сарын 16-нд Токиод айлчлан, олимпын наадмын бэлтгэлтэй танилцаж, олимпын тосгоноор зочлох юм байна.
Мөн, ерөнхий сайд Сүга Ёшихидэ, Токио хотын засаг дарга Коикэ Юрико нартай уулзан, оройдоо Олимпын бэлтгэл хорооны дарга Мори Ёширотой хамтран хэвлэлийн бага хурал хийнэ.
Томас Бах сар орчмын өмнө “хүн төрөлхтөн коронагийн тахлын хүнд үед олимпын наадмаа хийж чадсан гэсэн дурсамжийг үлдээмээр байна” хэмээн мэдэгдсэн билээ.
