Хэрлэн голын сав газрын захиргаанаас Дорнод аймгийн Баянтүмэн сумын 4 дүгээр багийн Хотонтын булаг, Цагаан-Овоо сумын Хүрээт багийн Хүрээт булаг, Зүрх багийн Баруун гуравны булгуудыг хашиж хамгаалах ажилд техникийн тодорхойлолт өгч ажилласан байна.
Усны нөөцийг хомсдол, бохирдлоос хамгаалах зорилгоор сав газрын хэмжээнд ус ашиглагч аж ахуйн нэгж, байгууллагуудтай байгуулсан Ус ашиглах гэрээнд булгийн эхийг хашиж хамгаалах арга хэмжээг тусгаж оруулдаг.
