2022 оны эзэн Хар Усан Бар бол гоё сайхан, гунхалзсан, сониуч, авьяаслаг, зоригтой адал явдалтан. Усан махбодь энэ Барын авирыг зөөллөж, уран бүтээлч эхлэл, хурц содон уран сэтгэмж, сансрын өөдрөг үзлийг тэргүүн байранд гаргаж ирлээ. Бар бол өөрийн хуулиар амьдарч зүрх сэтгэлийн дуудлагаа дагадаг араатан, иймээс өмнө хөл тавиагүй замаар өөрөө бие даан явах аргыг хүн бүрд зааж өгөх болно.
Тиймээс та 2022 онд шинэ замд мордож хүч үзээгүй салбартаа өөрийгөө сорих хэрэгтэй. Усан Бар жилд та авхаалж самбаатай, уужуу хэрсүү байвал зохино, үүний зэрэгцээ зөн совингоо дарж болохгүй.
Оны хамгийн чухал үйл явдлууд өвөл, шөнө өрнөх төлөвтэй. Чухал шийдвэр гаргахыг хүсвэл сарны гэрэлд бодож тунгаа, эсвэл "бодлоо өвөртөлж унтаарай". Хуримлах, фирм нээх, шилжин нүүх зэрэг чухал алхам үйлдэл хийхээр төлөвлөсөн бол өвөл амжуул. 2022 он бол гурван "хоёртой" жил. Энэ оны гурван адилхан цифр бол хүчирхэг нөлөөг илтгэхийн зэрэгцээ ямар ч хандлагыг хүчтэй болгож шино оны бүх үйл явдлыг хурц тодоор "будна". 2022 гэсэн тооны нийлбэр 6, энэ бол дорны тоон зурхайд мөнгөний тоо гэж тооцогддог. Та оны энерги буюу мөнгийг хаа ч, хэзээ ч урин дуудах боломжтой. Үүний тулд гар утасны сүүлийн дугаарыг 6 байхаар сонго, энэ нь авто машины номер, бичиг баримт, нууц үг, орон сууцны байрны дугаар зэрэгт ч хамаатай,
Хэрэв та ийм тоог аль хэдийн сонгочихсон бол 2022 оныг азтай, одтой өнгөрүүлнэ. Хар усан бар 2022 онд шийдмэг, бие даасан хүмүүсийг ивээлдээ авна, тиймээс та хувийн өвөрмөц онцлогийг хадгалж бусдын санал бодлоос хамааралгүй байж сур. Мөн үймэрч сандрах хэрэггүй, аар саар зүйлд хүчээ бүү зарцуул, ялихгүй олз омгийн хойноос бүү хөөцөлд. Энэ зөвлөгөөг дагасан цагт заавал аз, амжилт ирнэ. Ямар нэг төсөл, санаагаа одоо хүртэл хэрэгжүүлж чадаагүй хүмүүс Бар жилд амжуулах ёстой, өөрийн зорилгодоо илүү амархан, чимээ шуугиангүй хүрэхэд тэр л тусална.
Хамгийн идэвхгүй хүмүүсийн өмнө хүртэл Усан Бар гайхалтай, сонирхолтой хэтийн төлөв нээж өгнө. Хар Бар өөрөө шударга үнэний сонор соргог мэдрэмжтэй. Хэрэв та өөрийн эрх, үзэл бодлоо хамгаалж тэмцэх бол, өөрийн зөв гэдэгт бүрэн итгэлтэй байгаа бол ирэх онд зоригтой хөдөл. Хар Барын тусламжтай та 2022 онд шүүхэд ялах буюу ажилдаа буцаж орох, алдсан ашиг орлогоо эргүүлж авах, алдсан байр сууриа буцаан авч чадна.
Мэдрэмжтэй, тачаангуй, чин үнэнч сэтгэлтэй Усан Бар 2022 онд дурласан зүрхүүдийг санаандгүй гэнэт холбож өгч магадгүй. Амрагуудын хооронд саад тотгор их гарах тусам холбоо улам гүнзгийрч бат бөх байх төлөвтэй. Ганц бие хүмүүс Бар жилд заяаны ханиа олно, гэхдээ санаачилгыг эрчүүд гаргах ёстой. Хар Усан Барын ачаар 2022 онд Луу, Морь, Бар, Нохой жилтнүүд албан тушаал, амжилтын хамгийн өндөрлөг цэгт хүрч чадна. Харин Үхэр, Туулай, Гахай, Хонь, Тахиа жилтнүүд мэдлэг эсвэл мөнгө, үнэт зүйлс гээд хуримтлалтай болоход нь Хар Бар тусална.
Мич, Хулгана, Могой жилтнүүдийн хувьд 2022 он эсрэг тэсрэг жил, иймээс тэд Усан Бартай найзалж нөхөрлөхийн тулд зөв хандлагыг эрхэмлээрэй. Мич жилтний хувьд шилдэг хамгаалалт бол өөрийн орон гэр, гэр бүл байна. Хулганы хамгаалалт гэвэл хянамж болгоомжлол, амьдралын хар туршлага бөгөөд Могойн хувьд мэдээлэл, туршлага байх болно
