Дэлхий дахин Хятадын эрх баригчдын өгсөн титэмт вирусийн халдвар авсан хүмүүсийн тоон мэдээлэл үнэн бодитой эсэхэд эргэлзсээр байгаа билээ.
"Хятадад үнэндээ хичнээн хүн халдварласныг хэн ч мэдэхгүй" хэмээн АНУ-ын Ерөнхийлөгч Дональд Трамп онцолсон.
Энд дуулгахад, АНУ коронавирусийн халдварын тохиолдлоор дэлхийд нэгдүгээрт бичигдсэн талаар Regnum агентлаг мэдээлсэн. Мөн Жон Хопкинсийн их сургуулийн мэдээлснээр өнгөрсөн гуравдугаар сарын сүүлээр АНУ-д халдвар авсан нийт 83507 тохиолдол байсан бол Хятадад тахал дэгдэх хугацаанд нийтдээ 81782 хүн халдвар авсан тоо баримт бий.
Бас нэг сонирхолтой мэдээг Австралийн 7News суваг мэдээлсэн байна. Хятдад
2020 он гарсаар 21 сая утасны дугаар хаягдсан тоо баримт байгаа юм байна. Гэхдээ энэ нь 21 сая хүн коронавирусээс болж нас бараад дугаараа хаясан гэсэн үг бас биш гэнэ. Эдгээр 21 сая хүн дэлхий дахинд нүүрлээд буй эдийн засгийн хямралд өртсөн үү, ажлаа алдсан уу, утасны төлбөр хийх чадваргүй болсон уу, эсвэл утас барих шаардлагагүй болсон уу гэхчилэн олон асуулт болон олон шалтгаан бий юм байна.
