Дөрөвдүгээр сарын 8-ны өдрийн Сөүл-Улаанбаатар чиглэлийн тусгай үүргийн нислэгээр ирсэн зорчигчдын тээшийг өнөөдөр 14:00 цагаас олгохоор болсныг Үндэсний агаарын тээвэрлэгч МИАТ ТӨХК-иас мэдээллээ.
Зорчигчийн ачааг авах хүн тээшний дугаар бүхий хуудас, өөрийн болон тухайн зорчигчийн иргэний үнэмлэхний хуулбарын хамт ирж авах бөгөөд бичиг баримт дутуу бол тээшийг олгохгүй юм.
Тээшийг Чингис Хаан олон улсын нисэх буудлын баруун талд байрлах Карго төвөөс авах ба 99121580 дугаарын утсаар мэдээлэл авах боломжтой.
